ഓർമകളുടെ തുരുത്തിൽ നിന്ന്

എല്ലാം തുറന്നുപറയുന്ന,മലയാളത്തിലെ മികച്ച ആത്മകഥകളിലൊന്നായി വായനക്കാർ (നിരൂപകരും)കണ്ട, 'ഓർമ്മകളുടെ തുരുത്തിൽ നിന്നി...'ന്റെ പുതിയ മൂന്നാം പതിപ്പ്. ചെറുകഥാകൃത്ത്, നോവലിസ്റ്റ്,സാഹിത്യ - രാഷ്ട്രീയ വിമർശകൻ, ഇന്ത്യനിംഗ്ലീഷ് കവി തുടങ്ങിയ നിലകളിൽ അറിയപ്പെടുന്ന ജി.എൻ.പണിക്കരുടെ ജീവിതകഥ. അനുഭവവിവരണങ്ങളിലൂടെയും സർഗ്ഗരചനകളിലൂടെയും തെളിഞ്ഞുവരുന്നത് നൂറുകണക്കിന് വ്യക്തികൾ. മലയാളത്തിലും ഇംഗ്ലീഷിലുമായി അറുപതിലേറെ ഗ്രന്ഥങ്ങൾ പ്രസിദ്ധീകരിച്ച എഴുത്തുകാരൻ, സംസ്ഥാനസാംസ്കാരിക കാര്യ - പബ്ലിക് റിലേഷൻസ് വകുപ്പ് ഡയറക്ടർവരെയായ ഉദ്യോഗസ്ഥൻ,കോളേജ് ക്ലാസ്സുകളിൽ ഇംഗ്ലീഷ് സാഹിത്യം പഠിപ്പിക്കുന്നതിൽ ജീവിതസായുജ്യം അനുഭവിക്കുന്ന അദ്ധ്യാപകൻ എന്നീ നിലകളിലുള്ള പണിക്കരുടെ സംഭവബഹുലമായ ജീവിതം. രസകരമായ നോവൽ പോലെ ആഹ്ലാദപൂവ്വം വായിച്ചുതീർക്കാവുന്ന പുസ്തകം.എൺപത്തിരണ്ടാം വയസ്സിൽ എത്തിനിൽക്കുന്ന പണിക്കരുടെ ഓർമ്മകളുടെ തുരുത്തിലേയ്ക്ക് വായനക്കാർക്ക് സ്വാഗതം.